Дар Ҷумҳурии Тоҷикистон имрӯзҳо барои ҳар як шахс имкон фароҳам аст, ки аз ташхиси ВНМО гузарад. Аз ин рӯ, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Маркази ҷумҳуриявии пешгирӣ ва мубориза бар зидди бемории ВНМО аз шаҳрвандон даъват ба амал меоранд, ки ба сомонаи www.hivtest.tj ворид гардида, бо роҳи оддӣ ва бехатар саломатии худро нисбат ба вируси норасоии масунияти одам (ВНМО) санҷанд ва аз вазъи саломатии худ бохабар гарданд.
Барои гузаштан аз ташхиси ВНМО Шумо метавонед ба сомонаи www.hivtest.tj ворид гардида, ҷойи наздиктаринро барои ташхис муайян намоед. Ҳамчунин, тариқи сомонаи мазкур барои гирифтани машварати ройгон, маълумот дар бораи ташхиси фаврӣ, ки танҳо 15 дақиқа вақт мегирад ва ҳатто тариқи луоби даҳон гузаронида мешаванд, инчунин бидуни хунгирӣ ва дард, маслиҳатҳои мутахассисон ва саволу ҷавобҳо имкониятҳо фароҳам оварда шудааст.
Ҳар як шахс новобаста аз синну сол, вазъияти оилавӣ ё зиндагии шахсӣ ба таври ройгон, махфӣ ва дастрас метавонад аз ташхиси ВНМО гузарад.
Бо ташхиси саривақтӣ ва маълумотнокӣ, ҳар як шаҳрванди кишвар метавонад дар пешгирии паҳншавии ВНМО саҳмгузор бошад.
