Санаи 10-уми ноябри соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон муовини вазири тандурустӣ ва ҳифзи иҷтимоии аҳолӣ Ҳабибулло Хайруллозода бо миссияи Агентии Ҷопон оид ба ҳамкории байналмилалӣ (JICA) вохурӣ анҷом дод.
Нахуст муовини вазири тандурустӣ ва ҳифзи иҷтимоии аҳолӣ Ҳабибулло Хайруллозода меҳмононро ба вазорат хайрамақдам гуфта, аз ҳамкориҳои судманд ва дуҷонибаи Вазорати тандурустӣ ва ҳифзи иҷтимоии аҳолӣ бо ташкилоти мазкур ёдовар шуд.
Дар ин замина, қайд гардид, ки бо дастгирии Агентии Ҷопон оид ба ҳамкории байналмилалӣ (JICA) дар соҳаи тандурустӣ ва ҳифзи иҷтимоии аҳолии кишвар то кунун як қатор корҳо ба анҷом расида, баҳри боз ҳам беҳтарсозии хизматрасонии тиббию иҷтимоӣ ба шаҳрвандон низ мусоидат карда шуд.
Бояд гуфт, ки ҳадаф ва мақсади ташрифи миссияи JICA ҳамзамон баррасии ҳамкориҳои дуҷониба дар соҳаи тандурустӣ ва ҳифзи иҷтимоии аҳолӣ ва муайян кардани имконияту зарфиятҳои мавҷуда баҳри тақвият бахшидани ҳамкориҳои минбаъда бо Вазорати тандурустӣ ва ҳифзи иҷтимоии аҳолии мамлакат мебошад.
Дар идомаи вохурӣ аз ҷониби масъулини вазорат ба меҳмонон доир ба вазъи соҳаи ҳифзи иҷтимоии аҳолии кишвар ба таври рунамо маълумот пешниҳод карда шуд.
