Санаи 23-юми сентябри соли равон дар маҷлисгоҳи Агентии давлатии ҳифзи иҷтимоии аҳолии Ҷумҳурии Тоҷикистон барои директорони марказҳои минтақавии хизматрасонии иҷтимоии мақомоти иҷроияи ҳокимияти давлатии шаҳру ноҳияҳои ҷумҳурӣ ва директорони хона-интернатҳо барои пиронсолон ва маъюбон курси такмили ихтисос оғоз гардид, ки дар кори он муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҳабибулло Хайруллозода, директори Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Абдулло Сафарзода ва ректори Донишкадаи такмили ихтисоси кормандони низоми ҳифзи иҷтимоии аҳолӣ Дилафруз Рабизода ширкат варзиданд.
Чорабинии мазкурро муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон ифтитоҳ намуда, доир ба ҳадаф ва мақсад аз баргузории он андешаронӣ намуд. Дар ин замина, аз ҷониби ректори донишкада қайд карда шуд, ки курси мазкур бо мақсади баланд бардоштани малакаи касбӣ ва дар амал татбиқ намудани «Барномаи маҷмӯии давлатии тайёр намудани кадрҳои низоми ҳифзи иҷтимоии аҳолӣ барои давраи то соли 2030» ба роҳ монда шудааст.
Таъкид гардид, ки курси такмили ихтисос то 7 октябри соли ҷорӣ аз рӯи барномаи “Кори иҷтимоӣ” идома меёбад. Пас аз анҷом ба шунавандагони курси такмили ихтисос шаҳодатнома супорида мешавад.
