Санаи 08-уми октябри соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон вохурии вазири тандурустӣ ва ҳифзи иҷтимоии аҳолӣ Ҷамолиддин Абдуллозода бо роҳбари Хадамоти федералии ҳифзи ҳуқуқи истеъмолкунандагон ва беҳдошти инсон (Роспотребнадзор)-и Федератсияи Россия Анна Попова доир гашт.
Нахуст вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода Анна Поповаро, ки бо сафари корӣ дар Ҷумҳурии Тоҷикистон қарор дорад, ба кишвари азизамон хайрамақдам гуфта, аз ҳамкориҳои Тоҷикистону Россия дар соҳаи тандурустӣ ва ҳифзи иҷтимоии аҳолӣ ёдовар шуд.
Дар ин замина, номбурда аз ҳамкориҳои вазорат бо Хадамоти федералии ҳифзи ҳуқуқи истеъмолкунандагон ва беҳдошти инсон (Роспотребнадзор)-и Федератсияи Русия изҳори қаноатмандӣ карда, доир ба боз ҳам густариш додани ҳамкориҳо андешаронӣ намуд.
Зимни вохурӣ ҷонибҳо доир ба вазъи санитарию эпидемиологии кишвар, пешгирии бемориҳои сироятӣ, ба роҳ мондани табодули таҷрибаи табибон ва дигар бахшҳо мубодилаи афкор намуда, ҳавасмандии хешро ҷиҳати тақвият бахшидани ҳамкориҳо дар самтҳои мавриди таваҷҷуҳи тарафайн иброз намуданд.
