Имрӯз, 02-юми октябри соли равон вазири тандурустии Ҷумҳурии Қазоқистон Акмарал Алназарова ва вазири тандурустии Ҷумҳурии Ӯзбекистон Худоёров Асилбек Анварович, ки барои иштирок дар ҷаласаи 38-уми Шӯрои ҳамкорӣ дар соҳаи тандурустии давлатҳои аъзои ИДМ дар Ҷумҳурии Тоҷикистон қарор доранд, аз Донишгоҳи давлатии тиббии Тоҷикистон ба номи Абуалӣ ибни Сино дидан карданд.
Дар саҳни ин муассисаи олии таълимӣ меҳмононро роҳбарияти Вазорати тандурустӣ ва ҳифзи иҷтимоии аҳолӣ ва донишгоҳи мазкур пешвоз гирифтанд.
Бояд гуфт, ки Донишгоҳи давлатии тиббии Тоҷикистон ба номи Абуалӣ ибни Сино дар самти омодасозии мутахассисони баландихтисоси соҳаи тиб дар кишвар калонтарин муассисаи олии таълимии тиббӣ ба шумор меравад.
Зимни боздид меҳмонон ба Маркази симулиятсиони донишгоҳ ташриф оварда, бо раванди таҳсил ва таҷрибаи донишҷӯён шинос гашт. Ба ҳайати меҳмонон иттилоъ дода шуд, ки дар маркази мазкур махсусан барои фаъолияти амалии табибони оянда шароиту имкониятҳои муосир ва зарурӣ фароҳам оварда шуда, устодони ботаҷриба ба онҳо таълим медиҳанд.
