Ҷаласаи корӣ оид ба нақшаи лоиҳаи “Стратегияи солимии аҳолии давлатҳои ИДМ барои солҳои 2026-2027” баррасӣ гардид

28-уми марти соли равон ҷаласаи гурӯҳи коршиносон дар бораи лоиҳаи Нақшаи чорабиниҳо оид ба татбиқи “Стратегияи солимии аҳолии давлатҳои аъзои Иттиҳоди Давлатҳои Мустақил барои солҳои 2024-2025”, инчунин, қарори Шӯрои иқтисодии ИДМ оид ба стратегияи мазкур тариқи маҷозӣ баргузор гардид, ки дар он намояндагони вазоратҳои тандурустии Ҷумҳурии Тоҷикистон, Федератсияи Россия, кишварҳои Ӯзбекистон, Қазоқистон, Қирғизистон, Арманистон ва Беларусия иштирок намуданд.

Аз ҷониби Ҷумҳурии Тоҷикистон дар ин чорабинӣ муовини якуми вазири тандурустӣ ва ҳифзи иҷтимоии аҳолӣ Ғафур Муҳсинзода, сардори Раёсати ислоҳот, кӯмаки аввалияи тиббию санитарӣ ва робитаҳои байналмилалии вазорат Бандаев Илҳом ва мутахассисони соҳавӣ иштирок намуданд.

Зимни ҷаласаи мазкур иштирокчиён муҳимтарин масъалаҳои лоиҳаи Нақшаи чорабиниҳо оид ба татбиқи “Стратегияи солимии аҳолии давлатҳои аъзои Иттиҳоди Давлатҳои Мустақил”, ки аз ҷониби Ташкилоти асосии тандурустии ҷамъиятӣ ва иттилоотонии давлатҳои аъзои ИДМ ва Шабакаи байнидавлатии Институтҳои давлатҳои тандурустии ҷамъиятӣ ва тандурустии аъзои “СНИИОИЗ” таҳия шудааст ва бо мақсади иҷрои қарори Шӯрои Сарони Ҳукуматҳои ИДМ аз 7 июни соли 2016 ва банди 47-уми фасли 10 “Стратегияи солимии аҳолии давлатҳои аъзои Иттиҳоди Давлатҳои Мустақил” қабул гардидааст, мавриди баррасӣ гарор гирифт.

Ҳамзамон, дар чорабинӣ коршиносон аз Иттиҳоди Давлатҳои Мустақил доир ба нақшаи лоиҳаи “Стратегияи солимии аҳолии давлатҳои аъзои Иттиҳоди Давлатҳои Мустақил барои солҳои 2026-2027″, мубодилаи афкор намуда, дурнамои фаъолияти соҳаро баррасӣ ва фикру андешаҳои худро баҳри густариши ҳамкориҳо дар ин самт иброз доштанд.

Мубодила

Facebook
Twitter
LinkedIn
WhatsApp
Email
Print

ҲИФЗИ ТАНДУРУСТИИ АҲОЛӢ ЯКЕ АЗ САМТҲОИ АФЗАЛИЯТНОКИ СИЁСАТИ ИҶТИМОИИ ДАВЛАТ ВА ҲУКУМАТИ ҶУМҲУРИИ ТОҶИКИСТОН МЕБОШАД

Хабарҳои охирин

Вобаста ба бозбинии Руйхати миллии доруҳои асосӣ мизи мудаввар доир гашт

Вохурии Ҷамолиддин Абдуллозода бо Сафири ИМА дар Тоҷикистон Мануэл Микаллер ва ҳайати ЮСАИД

Татбиқи босамари “Лоиҳаи навсозии ҳифзи иҷтимоӣ ва ҳамгироии иқтисодӣ”  дар самти расонидани кумаки яквақтаи иҷтимоӣ ба оилаҳои камбизоат

Маҷлиси Ҳукумати Ҷумҳурии Тоҷикистон баргузор гардид

Таҳлил ва баррасии вазъи хизматрасонии тиббӣ ба аҳолӣ дар шаҳри Душанбе

Ҷамолиддин Абдуллозода бо рафти таълими кафедраҳои Донишгоҳи тиббӣ ва Донишкадаи баъдидипломӣ шинос шуд

Search