17 июни соли равон дар маҷлисгоҳи лоиҳаи “Миллати солими Тоҷикистон” ҷаласаи корӣ баргузор гардид, ки дар он ҳамкориҳои лоиҳа бо Ташкилоти умумиҷаҳонии тандурустӣ мавриди муҳокима қарор дода шуданд.
Дар кори ҷаласа муовини вазири тандурустӣ ва ҳифзи иҷтимии аҳолӣ Абдухолиқ Амирзода, муовини директори Хадамоти назорати давлатии санитарию эпидемиологӣ Навруз Ҷаъфаров, ҳамоҳангсози лоиҳа Баҳодур Холназар, роҳбари дафтари намояндагии Ташкилоти умумиҷаҳонии тандурустӣ дар Ҷумҳурии Тоҷикистон Виктор Олшавский, мутахассисони лоиҳа, инчунин намояндагони дафтари Бонки Ҷаҳонӣ дар Ҷумҳурии Тоҷикистон ва мутахассисони ТУТ иштирок намуданд.
Тавре гуфта шуд, иҷроиши амалҳои қисмати 3-юми лоиҳаи “Миллати солими Тоҷикистон”, яъне вокуниш ба ҳолатҳои фавқуллода дар нимсолаи аввали соли равон яке аз самтҳои асосии матраҳшаванда ба шумор рафта, фаъолияти чанде аз онҳо тибқи Созишнома бо ТУТ амалӣ мегарданд.
Вобаста ба мавзӯи ҷаласа, махсусан доир ба ҳамкориҳои тарафайн байни лоиҳаи “Миллати солими Тоҷикистон” ва ТУТ суҳбатҳои судманд анҷом дода шуданд.
Дар фарҷоми ҷаласа муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Абдухолиқ Амирзода оид ба мавзӯъҳои матраҳшуда дар рафти ҷаласа ва тадбирҳо оид ба пешгирӣ ва ҳалли мушкилот суханронӣ намуда, мутассадиёнро вазифадор намуд то дар иҷрои амалҳои дар пешистода кушиш ба харҷ диҳанд.
