Рӯзҳои 17–18 сентябри соли 2026 дар шаҳри Алматои Ҷумҳурии Қазоқистон чорабинии минтақавии CARINFONET бо иштироки намояндагони кишварҳои Осиёи Марказӣ ва Созмони умумиҷаҳонии тандурустӣ баргузор гардид.
Дар чорабинӣ директори Муассисаи давлатии «Маркази ҷумҳуриявии омор ва иттилооти тиббӣ»-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Шамсуллозода Манучеҳр иштирок намуда, таҷрибаи Ҷумҳурии Тоҷикистонро дар самти рақамикунонии соҳаи тандурустӣ муаррифӣ намуд.
Аз ҷумла, платформаи миллии рақамии тандурустӣ —tandurusti.tj ба намояндагони Қазоқистон, Ӯзбекистон, Туркманистон ва Қирғизистон муаррифӣ гардида, имкониятҳо ва таҷрибаи Тоҷикистон дар самти ташаккули низоми ягонаи иттилоотии тандурустӣ пешниҳод карда шуданд.
Ҳамин тавр, чорабинӣ ба табодули таҷриба, рушди идоракунии маълумоти тандурустӣ, таҳлили рақамӣ ва истифодаи технологияҳои муосир дар қабули қарорҳои идоракунӣ равона гардид.
Боиси қаноатмандист, ки Ҷумҳурии Тоҷикистон қадам ба қадам ба тандурустии рақамии муосир гузашта истодааст.
