24-уми июни соли равон дар доираи сафари корӣ ба Ҷумҳурии Тоҷикистон Президенти Агентии Туркия оид ба ҳамкории байналмилалӣ (TİKA) Абдуллоҳ Эрен аз Муассисаи давлатии “Хона-интернати пиронсолон ва маъюбони шаҳри Турсунзода”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дидан намуд.
Дар ин сафар ҳайати меҳмононро муовини вазири тандурустӣ ва ҳифзи иҷтимоии аҳолӣ Ҳабибулло Хайруллозода ва директори Агентии давлатии ҳифзи иҷтимоии аҳолӣ Абдулло Сафарзода ҳамроҳӣ намуданд.
Қайд кардан ба маврид аст, ки дар сиёсати иҷтимоии Пешвои миллат муҳтарам Эмомалӣ Раҳмон ғамхорӣ нисбат ба пиронсолону маъюбон ҳамчун яке аз самтҳои афзалиятнок қарор гирифта, барои зисту зиндагонии ин қишри ҷомеа дар мамлакат тамоми шароиту имкониятҳои мусоид фароҳам оварда шудааст.
Зимни ташриф Президенти Агентии Туркия оид ба ҳамкории байналмилалӣ (TİKA) Абдуллоҳ Эрен бо бошандагони муассисаи мазкур суҳбат намуда, аз вазъи шароиту имкониятҳои он дидан кард.
Дар ин ҷо барои бошандагони муассисаи мазкур дастархони идона ороста шуда, ба онҳо туҳфаҳои хотиравӣ тақдим гардид.
