Аз 17 то 19 марти соли 2025 дар меҳмонхонаи Серенаи шаҳри Душанбе дар мавзуи «Роҳбарии занон дар соҳаи тандурустӣ» семинар баргузор гардид.
Дар семинари мазкур 23 нафар кормандон аз Раёсати тандурустии шаҳри Душанбе, муассисаҳои тиббӣ, КАТС-ҳои ноҳияи Рӯдакӣ ва шаҳри Бохтар иштирок намуданд.
Семинари мазкур бо ташаббуси лоиҳаи минтақавии «Беҳтар намудани саломатии модару кӯдак дар Осиёи Марказӣ», ки аз ҷониби Ҷамъияти Олмонӣ оид ба ҳамкории байналмилалӣ (GIZ) дар Тоҷикистон бо дастури Ҳукумати Олмон ва ҳамоҳангии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон амалӣ мегардад, баргузор гашт.
Гуфта шуд, ки мақсади аслии ин омӯзиш ба таъмин намудани рушди касбии занон дар соҳаи тандурустӣ, тақвият додани нақши онҳо дар вазифаҳои роҳбарикунанда ва эҷоди имкониятҳо барои ташаккул додани шабакаҳои ҳамкорӣ мебошад.
Маврид ба зикр аст, ки иштироки кормандони тиб дар семинар барои рушди малака ва донишҳои зарурӣ ва муваффақияти касбии соҳаи тандурустии кишвар назаррас хоҳад буд.
Ҳамчунин семинари «Роҳбарии занон дар соҳаи тандурустӣ» ба аҳамияти роҳбарӣ ва стратегиҳои пешбурди занон дар соҳаи тандурустӣ тавассути тақвият додани донишҳо дар бораи стратегиҳои идоракунӣ, сабт кардани малакаҳои навини роҳбарӣ ва эҷоди таъсири иҷтимоии мусбат ва ҳамкориҳо буда, як қадами дигар ба сӯи тақвият додани нақши занон дар соҳаи тандурустӣ ва имкониятҳои нав барои рушди касбии онҳо ба вуҷуд меовард.
Бояд гуфт, ки ҳадаф аз гузаронидани семинари омӯзишӣ-ин баланд бардоштани маърифату малака ва дониши кормандони соҳаи тиб мебошад.
