Аз 8 то 10-уми октябри соли равон дар кишвари Юнон маҷлиси солонаи Бюрои минтақавии аврупоии Ташкилоти умумиҷаҳонии тандурустӣ (ТУТ) оид ба масъалаҳои татбиқи саҳми шарикии Механизми таъмини омодагӣ ба пандемияи зуком баргузор гардид, ки дар он Саид Давлатзода, сардори Раёсати амнияти санитарию эпидемиологӣ, ҳолатҳои фавқулодда ва кўмаки фаврии тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иштирок ва суханронӣ кард.
Зимни суханронии хеш номбурда иброз дошт, ки Ҷумҳурии Тоҷикистон дар доираи саҳми шарикии Механизми таъмини омодагӣ ба пандемияи зуком як қатор чорабиниҳоро оид ба системаи назорати ҳамгирошудаи вирусҳои зуком ва SARS-cov-2 баргузор намуд.
Гуфта шуд, ки тибқи таҷдиди нақшаи миллии омодагӣ ба пандемия дар Ҷумҳурии Тоҷикистон гурӯҳи кории миллии техникии байнисоҳавӣ оид ба таҷдиди нақшаи миллии омодагӣ ба пандемия таъсис дода шуд. Ҷаласа оид ба аз нав дида баромадани нақшаи миллии омодагӣ ба пандемия дар асоси дарсҳои омухташудаи COVID-19 рӯзҳои 28 ва 29-уми майи соли равон дар шаҳри Душанбе баргузор гашт.
Дар идомаи баромади хеш Саид Давлатзода ҳамзамон доир ба дастовардҳо ва дигар тадбирҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар самти омодагӣ ба пандемия маълумот дод.
