Роҳбарият ва кормандони дастгоҳи марказии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз даргузашти нобаҳангоми собиқ сардори шуъбаи баҳисобгирӣ ва муҳосибавӣ ва сардори Шӯъбаи аудити дохилии Вазорати тандурустӣ ва ҳифзи иҷтимоии аҳолӣ Сафаров Файзалӣ Сабзаевич сахт андуҳгин буда, ба наздикону пайвандони марҳум сабру шикебоӣ мехоҳанд.
Сафаров Файзалӣ 15-уми марти соли 1962 дар ноҳияи Ҳамадонии вилояти Хатлон таваллуд шудааст.
Аз моҳи марти соли 2007 то моҳи июни соли 2020 дар вазифаи сардори шуъбаи баҳисобгирӣ ва ҳисобдиҳии дастгоҳи марказии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон фаъолияти меҳнатиашро идома додааст.
Баъдан, аз 09-уми июни соли 2020 то ба нафақа баромадан ба ҳайси сардор ва баъдан ҳамчун корманди шуъбаи аудити дохилии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон кор кардааст.
