12-уми январи соли ҷорӣ бо қарори Раёсати Комиссияи олии аттестатсионии назди Президенти Ҷумҳурии Тоҷикистон аз 25 декабри соли 2025, №13 ба Давлатзода Гулҷаҳон Қобил, директори Пажӯҳишгоҳи илмию тадқиқотии акушерӣ, гинекологӣ ва перинатологии Тоҷикистон аз рӯйи ихтисоси “Сиҳатии ҷомеа ва тандурустӣ ва Момопизишкӣ ва бемориҳои занона дониста шуда” ва тибқи фармоиши раиси Комиссияи олии аттестатсионии назди Президенти Ҷумҳурии Тоҷикистон аз 31 декабри соли 2025, №498/д.и. дипломи дараҷаи илмии доктори илмҳои тиб дода шуд.
Ёдрас мешавем, ки моҳи сентябри соли 2025 дар Донишгоҳи давлатии тиббии Тоҷикистон ба номи Абуалӣ ибни Сино Давлатзода Гулҷаҳон Қобил, директори Пажӯҳишгоҳи илмию тадқиқотии акушерӣ, гинекологӣ ва перинатологии Тоҷикистон рисолаи доктории хешро дар мавзӯи “Нақши аудити ҳолатҳои буҳронӣ барои беҳтар намудани сифати ёрӣ ба модарони гирифтори хунравиҳои акушерӣ ва преэклампсияҳои вазнин” ҳимоя намуда буд.
Барои баҳо додани моҳияти рисолаи пешниҳодшуда муқарризони расмӣ Айламазян Эдуард Карпович, доктори илмҳои тиб, профессор, академики АИТР, ходими хизматнишондодаи илм, профессори кафедраи акушерӣ, гинекология ва репродуктологияи донишкадаи тиббии Донишгоҳи давлатии Санкт-Петербург ва Мамараҷабов Собирҷон Эргашович, доктори илмҳои тиб, декани факултаи таҳсилоти байналмилалии Донишгоҳи давлатии тиббии Самарқанд иштирок ва баромад намуданд.
