16-уми октябри соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ҳамкорӣ бо мутахассисони саратоншиносии Ҷумҳурии Мардумии Чин доир ба вазъи пешгирӣ ва мубориза бо бемории саратон дар Ҷумҳурии Тоҷикистон семинар-ҷаласаи онлайнӣ баргузор гардид, ки дар он муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода иштирок намуда, зимни ифтитоҳи ҷаласа иброз дошт, ки Ҳукумати Тоҷикистон дар самти беҳтарнамоӣ ва пешигирии бемориҳои саратон дар мамлакат тадбирҳои муҳимро амалӣ намуда истодааст.
Дар идомаи ҷаласа сардори Раёсати ташкили хизматрасонии тиббї ва технологияњои муосири вазорат Холмирзо Давлатзода ва директори Муассисаи давлатии «Маркази љумњуриявии илмии саратоншиносї” Акбар Муродзода низ баромад намуда, доир ба вазъи бемориҳои мазкур ва роҳҳои пешгирии онҳо дар кишвар маълумот пешниҳод карданд.
Ёдовар мешавем, ки баргузории Саммит оид ба баррасии бемориҳои саратон моҳи ноябри соли равон бо иштироки мутахассисони саратоншиносӣ аз Ҷумҳурии Тоҷикистон, Федератсияи Россия ва Ҷумҳурии Мардумии Чин дар назар аст.
