Имрӯз, 22 майи соли равон Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода дар Маҷмааи тандурустии “Истиқлол” бо ҳамшираҳои муассисаҳои тандурустии пойтахт, ки дар бахши тақсимоти доруворӣ машғуланд, вохурӣ анҷом дод.
Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода аз ҳамшираҳои тибби муассисаи мазкур, ки дар бахши тақсимоти маводҳои доруворӣ фаъолият доранд, даъват ба амал овард, ки бояд дар ин рӯзҳои душвор ба халқу миллати хеш хизмати софдилона анҷом дода, рисолати касбии хешро ба ҷо оваранд.
Ҳамзамон, номбуда иброз дошт, ки бояд назорати тақсимоти маводҳои доруворӣ пурзӯр гардида, беморон саривақт бо ин маводҳо таъмин карда шаванд.
Маврид ба зикр аст, ки айни замон назорати тақсимоти маводҳои доруворӣ ба муассисаҳои тандурустӣ зери таваҷҷуҳи махсуси Вазири тандурустӣ ва ҳифзи иҷтимоии аҳолии мамлакат қарор дорад.
![](https://moh.tj/wp-content/uploads/2018/04/8678.jpg")
