Рузҳои 17-20 сентябри соли 2018 дар шаҳри Рими давлати Италия сессияи 68-уми Кумитаи минтақавии Аврупоии Ташкилоти умумиҷаҳонии тандурустӣ баргузор гардид. Яке аз масъала дар ин чорабинӣ пешниҳодшуда, ин интихоби аъзоёни Кумитаи доимии минтақаи Аврупоии Ташкилоти умумиҷаҳонии тандурустӣ буд.
Боиси хурсандист, ки бори аввал намояндаи Ҷумҳурии Тоҷикистон академики академияи илмҳои тиб, ноиби ректори Донишгоҳи давлатии тибби Тоҷикистон ба номи Абўалӣ ибни Сино Юсуфӣ Саломудин Ҷаббор ба ҳайси аъзо Кумитаи доимии Ташкилоти умумиҷаҳонии тандурустӣ аз минтақаҳои Аврупоӣ интихоб шуданд. Дар ин сессия намояндаи Австрия низ ба ин Кумитаи мазкур ба ҳайси аъзо интихоб гардид. Ёдовар мешавем, ки аъзоёни Кумитаи иҷроияи минтақаи Аврупоии Ташкилоти умумиҷаҳонии тандурустӣ аз 53 мамлакати аъзои он намояндагони 8 кишвар: Олмон, Гурҷистон, Изроил, Италия, Руминия, Финляндия, Австрия ва Тоҷикистон мебошанд.
Барои мо кормандони соҳаи тандурустӣ ба Кумитаи иҷроияи минтақаи Аврупоии Ташкилоти умумиҷаҳонии тандурустӣ интихоб шудани академик Юсуфӣ С.Ҷ. боиси ифтихор аст ва мо устодро бо ин пирузӣ табрик менамоем.
![](https://moh.tj/wp-content/uploads/2018/04/8678.jpg")
