Бо мақсади иштирок дар ҷаласаи 38-уми Шӯрои ҳамкорӣ дар соҳаи тандурустии давлатҳои аъзои ИДМ, ки 3-юми октябри соли равон дар шаҳри Душанбе доир мегардад, вазирони тандурустии ҷумҳуриҳои Ӯзбекистон ва Қазоқистон ба Ҷумҳурии Тоҷикистон ташриф оварданд.
Дар фурудгоҳи байналмилилии шаҳри Душанбе меҳмононро роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон истиқбол намуд.
Ёдовар мешавем, ки дар асоси қарори ҷаласаи 37-уми Шӯрои ҳамкорӣ дар соҳаи тандурустии давлатҳои аъзои Иттиҳоди Давлатҳои Мустақил, ки 7-уми декабри соли 2024 дар шаҳри Санкт-Петербурги Федератсияи Россия баргузор гардид ва мутобиқи Низомномаи Шӯро раисии он дар соли ҷорӣ ба уҳдаи Ҷумҳурии Тоҷикистон вогузор шуда буд.
