Имрӯз, 21-уми октябри соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон вохурии муовини якуми сардори Раёсати тафтишотии Агентии назорати давлатии молиявӣ ва мубориза бо коррупсияи Ҷумҳурии Тоҷикистон, падпалковники адлия Назарзода Икром ва муфатиш оид ба корҳои махсуси Раёсати тафтишотии Агентӣ Машрафзода И. бо роҳбарияти вазорат, кормандони дастгоҳи марказии вазорат ва муассисаҳои ҷумҳуриявӣ доир гардид.
Муовини якуми вазири тандурустӣ ва ҳифзи иҷтимоии аҳолӣ Ғафур Муҳсинзода бо сухани ифтитоҳӣ баромад намуда, ҳадаф ва мақсад аз баргузории вохурии мазкурро ба самъи ҳозирин расонид.
Баъдан, намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон доир ба масъалаҳои боз ҳам ҷоннок намудани пешгирии омилҳои коррупсионӣ дар байни кормандони соҳаи тандурустӣ ва ҳифзи иҷтимоии аҳолӣ, пурзур намудани корҳои фаҳмондадиҳӣ ва дигар масъалаҳои алоқаманд баромад карданд.
Қайд кардан ба маврид аст, ки баҳри решакан намудани ин падидаи номатлуби ҷомеа ва бо мақсади иҷрои «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» чунин вохуриҳои масъулин бо роҳбарият ва кормандони муассисаҳои тандурустии мамлакат ба роҳ монда шудааст.
