Дар шаҳри Деҳлии Нави Ҷумҳурии Ҳиндустон дар доираи иштирок дар Саммити дуюми глобалии Созмони ҷаҳонии тандурустӣ оид ба тибби анъанавӣ, ки бо ташаббуси Созмони ҷаҳонии тандурустӣ ва Ҳукумати Ҷумҳурии Ҳиндустон аз 17 то 19 декабри соли 2025 баргузор гардид, вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо директори генералии Созмони ҷаҳонии тандурустӣ Тедрос Аданом Гебрейесус вохурӣ анҷом дод.
Зимни вохурии кутоҳ ҷонибҳо доир ба ҳамкориҳои Тоҷикистон бо ин ташкилоти бонуфӯзи тандурустӣ мубодилаи афкор намуда, ҷиҳати боз ҳам тақвият бахшидани ҳамкориҳои минбаъда ҳавасмандии хешро иброз доштанд.
Ёдовар мешавем, ки Саммити мазкур ҳамчун чорабинии сатҳи баланд ба мавзӯи “Барқарор кардани тавозун: Илм ва амалия барои саломатӣ ва некуаҳволӣ” ва ба пешбурди нақши тибби анъанавӣ дар низомҳои тандурустӣ ва рушди фарогир бахшида шуд.
Дар ин чорабинии сатҳи баланд вазири тандурустӣ ва ҳифзи иҷтимоии аҳолии мамлакат Ҷамолиддин Абдуллозода иштирок ва суханронӣ кард.
