29-уми октябри соли 2024 дар толори маҷлисгоҳи Муассисаи давлатии Таваллудхонаи вилоятии вилояти Суғд семинар-машварати омузишӣ бо ҷалби сарҳамшираҳои калони шуъбаҳо, момодояҳо, ҳамширагону вакилони хоҷагирдори таваллудхонаи вилоятии вилояти Суғд баргузор гардид.

Саидов Мирзоҳақдод, мудири шуъбаи эпидемиологии Маркази назорати давлатии санитарию эпидемиологии вилояти Суғд оид ба пешгирии бемориҳои сироятии дохили беморхонагӣ ва назорати бемориҳои сироятӣ дар Ҷумҳурии Тоҷикистон ва дигар намуди бемориҳои сироятиву ғайрисироятие, ки ба саломатии ҷомеа хавф доранд, маълумоти муфассал омода ва пешкаши шунавандагон гардонид.

Бояд гуфт, ки ҳадаф аз гузаронидани чунин семинари омузишӣ-ин коҳиш додани бемориҳои сироятӣ ва ғайрисироятӣ, инчунин баланд бардоштани маърифату малака ва дониши кормандони соҳаи тиб мебошад.