12-уми сентиябри соли ҷорӣ дар Донишгоҳи давлатии тиббии Тоҷикистон ба номи Абуалӣ ибни Сино Давлатзода Гулҷаҳон Қобил – директори Пажӯҳишгоҳи илмию тадқиқотии акушерӣ, гинекологӣ ва перинатологии Тоҷикистон рисолаи доктории хешро дар мавзӯи “Нақши аудити ҳолатҳои буҳронӣ барои беҳтар намудани сифати ёрӣ ба модарони гирифтори хунравиҳои акушерӣ ва преэклампсияҳои вазнин” ҳимоя намуд.
Барои баҳо додани моҳияти рисолаи пешниҳодшуда муқарризони расмӣ Айламазян Эдуард Карпович, доктори илмҳои тиб, профессор, академики АИТР, ходими хизматнишондодаи илм, профессори кафедраи акушерӣ, гинекология ва репродуктологияи донишкадаи тиббии Донишгоҳи давлатии Санкт-Петербург ва Мамараҷабов Собирҷон Эргашович, доктори илмҳои тиб, декани факултаи таҳсилоти байналмилалии Донишгоҳи давлатии тиббии Самарқанд иштирок ва баромад намуданд.
Бояд гуфт, ки зимни мавзуъҳои рисолаи докторӣ муҳимтарин масъалаҳои соҳаи акушерӣ, гинекологӣ мавриди баррасӣ ва таҳлил қарор дода шуданд.
