Дар шаҳри Давҳаи Давлати Қатар вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо вазири тандурустии Давлати Қатар Мансур бин Иброҳим Ал-Маҳмуд мулоқот анҷом дод.
Зимни мулоқот ҷонибҳо аз ҳолати кунунии ҳамкориҳои гуногунсамтаи ду кишвар, ки дар заминаи сиёсати созандаи роҳбарони сатҳи олии ду кишвар ба миён омадаанд, изҳори қаноатмандӣ намуданд.
Қайд гардид, ки ҳамкориҳои Тоҷикистону Қатар дар соҳаи тандурустӣ ва ҳифзи иҷтимоии аҳолӣ айни ҳол дар марҳилаи рушд қарор дошта, имкониту зарфиятҳои зиёде баҳри тақвият бахшидани онҳо мавҷуд аст.
Дар ин замина, ҳамкориҳои ду кишвар дар тамоми самтҳои соҳаи тандурустӣ ва ҳифзи иҷтимоии аҳолӣ мавриди баррасӣ қарор гирифтанд.
Дар навбати худ вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода вазири тандурустии Давлати Қатар Мансур Бен Ибрагим Ал-Маҳмудро барои анҷом додани сафари корӣ ба Ҷумҳурии Тоҷикистон даъват намуд.
