19-уми июни соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҳти роҳбарии Вазири тандурустӣ ва ҳифзи иҷтимоии аҳолӣ Ҷамолиддин Абдуллозода вобаста ба таҳияи лоиҳаи Маркази бемориҳои кӯдакона дар Тоҷикистон ҷаласаи корӣ доир гашт.
Дар ҷаласаи корӣ муовини соҳавии вазир Зулфия Абдусаматзода, сардорони раёсату шуъбаҳои дахлдори вазорат, сармутахассисон ва мутахассисони соҳаи педиатрия, роҳбарони муассисаҳои соҳавӣ, мудирони кафедраҳо ва дигар масъулин ширкат варзиданд.
Дар ҷаласаи мазкур масъалаҳои омодасозӣ ва таҳияи нақшаи сохтори Маркази бемориҳои кӯдакона дар Тоҷикистон, аз ҷумла тибқи стандартҳои муосири тиббӣ омода кардани он ва дигар масъалаҳои алоқаманд мавриди таҳлилу баррасии ҳамаҷониба қарор дода шуданд.
Дар анҷоми ҷаласа аз ҷониби Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ба масъулин супориш дода шуд, ки пешниҳод ва хулосаҳои худро ҷиҳати таҳияи лоиҳаи Маркази бемориҳои кӯдакона дар Тоҷикистон, ки бунёди он дар шаҳри Душанбе ба нақша гирифта шудааст, дар муҳлати муайянгашта ба вазорат манзур намоянд
