Имрӯз, 21 феврали соли 2022 сардори Раёсати тандурустии Мақомоти иҷроияи ҳокимияти давлатии вилояти Хатлон Мирзоалӣ Раҷабзода аз вазифа озод ва ба ҷои ӯ дар мувофиқа бо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Шарифзода Шайдулло Зайдулло сардори Раёсати тандурустии вилояти мазкур таъин карда шуд.
Маросими муаррифии сардори навтаъини Раёсати тандурустии вилояти Хатлон имрӯз бо иштироки вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва муовини Раиси вилояти Хатлон Фирӯза Шарифӣ баргузор гардид.
Шарифзода Шайдулло Зайдулло – 27-уми апрели соли 1969 дар ноҳияи Восеъи вилояти Хатлон таваллуд шудааст. Маълумот олӣ.
Соли 1994 Донишгоҳи давлатии тиббии Тоҷикистон ба номи Абӯалӣ ибни Синоро хатм намудааст.
Аз моҳи сентябри соли 2011 то 20 феврали соли 2022 дар вазифаи сардори Раёсати ташкили хизматрасониҳои тиббӣ ва технологияҳои муосири Вазорати тандурустӣ ва ҳифи иҷтимоии аҳолии Ҷумҳурии Тоҷикистон кор кардааст.
(Дар акс Шарифзода Шайдулло)