10-уми январи соли 2026 аз номи роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба кӯдакони бепарастори деҳаи Деҳмойи ноҳияи Ҷаббор Расулов туҳфаҳои солинавӣ тақдим гардид.
Туҳфаҳоро масъулини Раёсати тандурустӣ ва Маркази назорати давлатии санитарию эпидемиологии вилояти Суғд ба кӯдакон супориданд.
Бояд гуфт, ки ин иқдоми хайрхоҳона дар доираи дастуру супоришҳои Пешвои миллат муҳтарам Эмомалӣ Раҳмон ҷиҳати дастгирии табақаҳои ниёзманди аҳолӣ амалӣ гардид.
Тавре Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба Маҷлиси Олии Ҷумҳурии Тоҷикистон иброз доштанд:
“Ғамхорӣ нисбат ба кӯдакон ва табақаҳои ниёзманди ҷомеа яке аз вазифаҳои муҳими давлат ва Ҳукумат ба шумор меравад”.
Тақдими тӯҳфаҳои солинавӣ ба кӯдакон боиси болидахотирии онҳо гардида, ҳисси меҳрубонӣ, ғамхорӣ ва умед ба ояндаи дурахшонро дар дилҳои ҳар кадоми онҳо тақвият бахшид.
Бояд гуфт, ки чунин иқдомҳо барои тарбияи насли солим, худогоҳ ва ватандӯст аҳамияти махсус доранд.
Роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон минбаъд низ ҷиҳати иҷрои дастуру супоришҳои Роҳбарияти олии кишвар ва таҳкими ҳифзи иҷтимоии аҳолӣ фаъолияти худро пайгирона идома хоҳанд дод.
