Дар доираи сафари корӣ ба вилояти Хатлон 25-уми феврали соли равон вазири тандурустӣ ва ҳифзи иҷтимоии аҳолии Ҷумҳурии Ҷамолиддин Абдуллозода дар ноҳияҳои Хуросон ва Абдураҳмони Ҷомӣ бо ҷараёни хизматрасонии тиббӣ ба аҳолӣ ва корҳои ободониву созандагӣ дар муассисаҳои муассисаҳои тандурустӣ шинос гашт.
Дар ноҳияи Хуросон Ҷамолиддин Абдуллозода ба Маркази саломатии он ташриф оварда, аз ҷараёни хизматрасонии тиббии ин муассисаи тандурустӣ дидан кард.
Дар ин ҷо номбурда аз фаъолияти шӯъбаҳо, ҳолати таҷҳизотҳои тиббӣ дидан карда, инчунин бо як қатор беморон суҳбат анҷом дод.
Қобили зикр аст, ки бо мақсади фароҳам овардани шароитҳои муосири ташхису табобат ва беҳтар кардани вазъи хизматрасонии тиббӣ ба аҳолӣ ва ҷиҳати истиқболи сазовор аз ҷашни бузурги миллии 35 солагии Истиқлолияти давлатии Ҷумҳурии Тоҷикистон дар иншоотҳои тандурустии ноҳияҳои болозикр корҳои ободонӣ бомаром идома доранд.
Ҷамолиддин Абдуллозода, вазири тандурустӣ ва ҳифзи иҷтимоии аҳолии Ҷумҳурии Тоҷикистон дар доираи сафари корӣ ба ноҳияҳои Хуросон ва Абдураҳмони Ҷомӣ бо рафти корҳои таъмиру азнавсозии муассисаҳои тандурустӣ низ дидан намуд.
Аснои шиносоӣ бо рафти корҳои ободонии муассисаҳои тандурустӣ ҷиҳати дар сатҳи баланд ба анҷом расонидани корҳои таъмиру азнавсозӣ аз ҷониби вазири тандурустӣ ва ҳифзи иҷтимоии аҳолии Ҷумҳурии Тоҷикистон ба масъулин дастуру супоришҳо дода шуд.
Дар баробари ин, Ҷамолиддин Абдуллозода бо масъулини соҳаи тандурустии ноҳияҳои мазкур масъалаҳои боз ҳам беҳтар намудани сатҳу сифати хизматрасонии тиббӣ ба аҳолӣ, пешгирии бемориҳои сироятӣ ва гайрисироятӣ, тақвияти корҳои фаҳмондадиҳӣ дар байни аҳолӣ оид ба пешгирии бемориҳои гуногун, тарғибу ташвиқи тарзи ҳаёти солим ва дигар масъалаҳои муҳими соҳаро баррасӣ намуда, ҷиҳати бартараф намудани мушкилоту камбудиҳои ҷойдошта ба онҳо супоришҳои мушаххас дод.
