10-уми декабри соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон вобаста ба ҷамъбасти лоиҳаи «Дастгирии расонидани ваксинаҳои зидди COVID-19 дар доираи Фонди дастрасии ваксина дар Осиё ва Уқёнуси Ором» (Гранти Бонки Осиёии Рушд 0791-ТАJ) ҷаласаи корӣ доир гашт, ки дар он муовини вазири тандурустӣ ва ҳифзи иҷтимоии аҳолӣ Шодихон Ҷамшед, шарикон оид ба рушд, сардорони раёсату шуъбаҳои дахлдор ва роҳбарони як қатор муассисаҳои тандурустӣ иштирок намуданд.
Зимни суханронии хеш муовини вазири тандурустӣ ва ҳифзи иҷтимоии аҳолӣ Шодихон Ҷамшед оид ба дастовардҳои лоиҳаи мазкур маълумот пешниҳод карда, аз номи роҳбарияти вазорат ба шарикон оид ба рушд ҷиҳати дастгирӣ ва татбиқи босамари лоиҳаи номбурда махсусан дар давраи пандемияи COVID-19 изҳори миннатдорӣ баён кард.
Тавре зикр гардид, ҳадаф ва вазифаҳои лоиҳа-ин расонидани кумаки молиявӣ барои харид ва таъминоти логистикии ваксинаи зидди сирояти коронавирус (COVID-19), баланд бардоштани имкониятҳои Ҷумҳурии Тоҷикистон вобаста ба барномаи APVAX, иммунизатсияи аҳолии афзалиятнок бар зидди COVID-19, мониторинги мунтазам ва омода намудани ҳисоботҳо оид ба татбиқи чорабиниҳои қаблан мувофиқа кардашуда, омӯзиши мунтазами табибоне, ки дар маъракаи иммунизатсия иштирок менамоянд, паст намудани нишондоди беморшавӣ дар гурӯҳҳои осебпазир ва ғайра шумор рафта, он дар ҳамаи самтҳои муайянгардида бомуваффақият амалӣ карда шуд.
Дар идомаи ҷаласа як қатор иштирокчиён вобаста ба самтҳои гуногуни татбиқи лоиҳа ба ҳозирин маълумот пешниҳод карданд.
