Хатлон: боздиди Ҳабибулло Хайруллозода аз рафти омодагии муассисаҳои тандурустӣ барои зимистонгузаронӣ

Бо мақсади шиносоӣ пайдо намудан бо рафти омодагии муассисаҳои тандурустӣ барои зимистонгузаронӣ, ҷараёни хизматрасонии тиббӣ ба аҳолӣ ва шиносоӣ бо вазъи соҳа дар минтақа Ҳабибулло Хайруллозода, муовини вазири тандурустӣ ва ҳифзи иҷтимоии аҳолӣ ба вилояти Хатлон сафар намуда, бо фаъолияти як қатор муассисаҳои тандурустии шаҳру навоҳии ин вилоят шинос шуд.

Аснои боздид номбурда бо рафти хизматрасонии тиббӣ дар як қатор муассисаҳои тиббиву тандурустии шаҳру навоҳии вилояти Хатлон аз он ҷумла, шаҳру ноҳияҳои Панҷ, Ҷайҳун, Ҷалолиддини Балхӣ, Шаҳритус, Қабодиён, Дӯсти, Носири Хусрав ва Бохтар шинос гардида, ҳамзамон аз ҷараёни фаъолияти истироҳатгоҳи собиқадорони ҷангу меҳнати Дӯстии ноҳияи Ҷайҳун низ дидан ба амал овард. Зимни боздид номбурда бо беморон ва наздикону пайвандони онҳо низ суҳбат намуда, аз эшон доир ба сатҳ ва сифати хизматрасонии тиббӣ ба аҳолӣ пурсон шуд.

Қайд гардид, ки тибқи дастуру супоришҳои роҳбарияти Вазорати тандурусти ва ҳифзи иҷтимоии аҳолии Ҷумҳури Тоҷикистон дар самти омодагӣ ба давраи зимистон дар муассисаҳои тандурустӣ ва ҳифзи иҷтимоии аҳолии кишвар як қатор корҳои муҳиму назаррас ба анҷом расонида шудаанд ва фаъолият дар ин самт айни ҳол бомаром идома дорад.

Ҷиҳати боз ҳам беҳтар намудани хизматрасонии тиббӣ аҳолӣ ва бартараф намудани мушкилот ва камбудиҳои ҷойдошта аз ҷониби муовини вазир ба масъулин дастуру супоришҳои мушаххас дода шуд.

Мубодила

Facebook
Twitter
LinkedIn
WhatsApp
Email
Print

ҲИФЗИ ТАНДУРУСТИИ АҲОЛӢ ЯКЕ АЗ САМТҲОИ АФЗАЛИЯТНОКИ СИЁСАТИ ИҶТИМОИИ ДАВЛАТ ВА ҲУКУМАТИ ҶУМҲУРИИ ТОҶИКИСТОН МЕБОШАД

Хабарҳои охирин

Пешвои миллат Эмомалӣ Раҳмон дар шаҳраки Бустонқалъаи ноҳияи Кӯшониён Маркази ташхисию табобатӣ ва барқарорсозии бемориҳои асабро мавриди баҳрабардорӣ қарор доданд

Натиҷагирӣ аз рафти иҷрои Барномаи рушди тандурустӣ дар Тоҷикистон барои солҳои 2021-2025

Рушди хизматрасонии кумаки аввалияи тиббию санитарӣ дар Тоҷикистон

Мулоқот бо ҳайати Комиссия оид ба тандурустии Синзиян Уйғури Ҷумҳурии Мардумии Чин

Ҷорӣ намудани ҷарроҳии кошти ҳалзун барои беморони камшунаво ва ношунавои мутлақ

Ифтитоҳи бинои шуъбаи сироятӣ дар ноҳияи Қубодиён

Search