01-уми декабри соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷаласаи гурӯҳи кории бисёрҷониба бо мақсади баҳодиҳии ҳамаҷонибаи чораҳои пешгирии интиқоли ВНМО, гепатити вирусӣ ва оташак аз модар дар кӯдак дар Ҷумҳурии Тоҷикистон доир гашт, ки дар он муовинони вазир Абдухолиқ Амирзода, Зулфия Абдусаматзода, мутахассисону коршиносони соҳа ва шарикон оид ба рушд иштирок намуданд.

Абдухолиқ Амирзода, муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон зимни ҷаласа бо сухани ифтитоҳӣ баромад карда, доир ба ҳадаф ва мақсади баргузории ҷаласаи гурӯҳи корӣ андешаронӣ кард.

Баъдан, доир ба натиҷаҳои баҳодиҳии ҳамаҷонибаи чораҳои пешгирии интиқоли ВНМО, гепатити вирусӣ ва оташак аз модар дар кӯдак дар Ҷумҳурии Тоҷикистон Ҷустина Ковалска, мушовири байналмилалӣ, вобаста ба пешниҳоди лоиҳаи нақшаи амалҳо барои омодагӣ ба барҳамдиҳии интиқоли ВНМО, гепатити вирусӣ вав оташак аз модар дар кӯдак дар Ҷумҳурии Тоҷикистон Мавҷигул Азизуллоева ва Фахриддин Низамов, мутахассисисони Хазинаи кӯдакони СММ (ЮНИСЕФ) баромад карданд.

Пас аз шунидани маълумотҳо аз ҷониби иштирокчиён доир ба масъалаҳои баррасишуда муҳокимаронӣ сурат гирифт.