Имрӯз, 05 августи соли ҷорӣ Ҷамолиддин Абдуллозода,вазири тандурустӣ ва ҳифзи иҷтимоии аҳолии Ҷумҳурии Тоҷикистон аз раванди иҷроиши корҳои сохтмонии иншоотитандурустӣ дар ноҳияи Файзобод дидан намуд.

Зимни боздид Ҷамолиддин Абдуллозода, вазири тандурустӣ ва ҳифзииҷтимоии аҳолиро Исфандиёр Маҳмудзода, менеҷери Лоиҳаи “Хизматрасониҳои маҷмӯӣ барои модар ва кӯдак”, Мансур Каримзода, раиси ноҳияи Файзобод, роҳбаронимуассисаҳои тандурустии ноҳия, намояндагони ширкати сохтмонӣ, муовинони раиси ноҳия ва мутахассисони Гурӯҳи татбиқи Лоиҳа ҳамроҳӣ намуданд.

Қобили зикр аст, ки сохтмони иншооти тандурустӣ, иборат аз марказиташхису табобатии 3 ошёна, таъмири бинои Беморхонаи марказӣ ва шӯъбаи таваллуд дар назди Беморхонаи марказӣ дар доираиамалигардонии Лоиҳаи

“Хизматрасониҳои маҷмӯӣ барои модар ва кӯдак” бо маблағгузории Бонки Осиёиирушд сурат гирифта, муҷаҳҳазсозии иншооти болозикр бо муосиртарин дастгоҳу лавозимоти тиббӣ ҷараён дорад.

Зимни боздид бараванди корҳои сохтмонӣ баҳои баланд дода шуда, ҷиҳати омодагӣ ба истифодаи расмии иншоот дастур ва супоришҳои мушаххас дода шуд.

Қобили зикр аст, ки дар доираи сиёсати бунёдкоронаи Ҳукумати Ҷумҳурии Тоҷикистон Лоиҳаи “Хизматрасониҳои маҷмӯӣ барои модар ва кӯдак” бо ҳадафи бунёди муассисаҳои тиббӣ ва бомуосиртарин дастгоҳу лавозимоти соҳавӣ таъмин намудани он ва дар замина баланд бардоштани сифати хизматрасонии тиббӣ дар ноҳияҳои таҷрибавии Рашт, Файзобод, Шамсиддин Шоҳин, Данғара, Айнӣ ва Дарвоз дар ҳоли татбиқ қарор дорад.

Айни замон рафти корҳои сохтмонии иншооти мазкур дар ноҳияи Файзобод бо сифати баланд ба итмом расида, равандимуҷаҳҳазгардонии онҳо бо дастгоҳу лавозимоти тиббӣ ҷараён доранд ва таи рӯзҳои наздик мавриди истифода қарор дода мешаванд.