Имрӯз, 16-уми апрели соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷаласаи шӯрои машваратии Агентии давлатии ҳифзи иҷтимоии аҳолӣ вобаста ба натиҷагирӣ аз фаъолияти он дар семоҳаи аввали соли 2026 баргузор гашт, ки дар кори он муовини вазири тандурустӣ ва ҳифзи иҷтимоии аҳолӣ Ҳабибулло Хайруллозода, директори Агентии давлатии ҳифзи иҷтимоии аҳолӣ Абдулло Сафарзода, сардорони раёсату шуъбаҳои дахлдори вазорат, доираи васеи кормандони дастгоҳи марказии Агентии давлатии ҳифзи иҷтимоии аҳолӣ ва роҳбарони муассисаҳои соҳаи ҳифзи иҷтимоии аҳолӣ иштирок намуданд.
Дар ҷаласаи мазкур масъалаи-“Натиҷагирӣ аз фаъолияти Агентии давлатии ҳифзи иҷтимоии аҳолӣ дар семоҳаи аввали соли 2026” мавриди баррасӣ қарор дода шуд.
Қайд гардид, ки Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон фаъолияти кории худро дар партави дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва дар заминаи қонунҳои Ҷумҳурии Тоҷикистон, қарорҳои Ҳукумати Ҷумҳурии Тоҷикистон марбут ба соҳаи ҳифзи иҷтимоӣ, стратегияву барномаҳои амалкунада ва дар робита ба иҷрои супоришҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Низомнома, Нақшаи кории Раёсат ва Агентӣ ба роҳ мондааст.
Ҳамин тавр, дар робита ба масъалаҳои баррасишуда ба роҳбарони муассисаҳои соҳаи ҳифзи иҷтимоии аҳолӣ, сардорони шӯъбаҳои вилоятии ҳифзи иҷтимоии аҳолии мақомоти иҷроияи ҳокимияти давлатӣ, мудирон ва мутахассисон-коргузорон оид ба кӯмаки унвонии иҷтимоии бахшҳои ҳифзи иҷтимоии аҳолии мақомоти иҷроияи ҳокимияти давлатии шаҳру ноҳияҳои таҷрибавӣ ҷиҳати аз байн бурдани камбудиҳои ҷойдошта дар фаъолияти корӣ дастуру супоришҳои қатъӣ дода шуданд.
