8-уми майи соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо ташаббуси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба масъалаҳои иҷтимоӣ, оила ва ҳифзи саломатӣ дар ҳамкорӣ бо Вазорати тандурустӣ ва ҳифзи иҷтимоии аҳолӣ дар мавзӯи “Ҳифзи иҷтимоии маъюбон-самти афзалиятноки сиёсати давлатии Ҷумҳурии Тоҷикистон” мизи мудаввар баргузор гашт.
Дар кори мизи мудаввар муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ, муовини вазири тандурустӣ ва ҳифзи иҷтимоии аҳолӣ Шодихон Ҷамшед, вакилон ва кормандони дастгоҳи Маҷлиси намояндагони Маҷлиси Олии Ҷумҳурии Тоҷикистон, роҳбарият ва намояндагони ташкилотҳои ҷамъиятӣ иштирок намуданд.
Зимни мизи мудаввар муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ, Раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба масъалаҳои иҷтимоӣ, оила ва ҳифзи саломатӣ Муҷибахон Ҷавҳарӣ, муовини вазири тандурустӣ ва ҳифзи иҷтимоии аҳолӣ Шодихон Ҷамшед ва раиси Ташкилоти ҷамъиятии “Иттиҳодияи миллии маъюбони Тоҷикистон” Зикрихудоев Асадулло бо сухани ифтитоҳӣ баромад карданд.
Дар идома Дӯстмуродзода Сурайё, муовини Раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба корҳои байналмилалӣ, иттиҳодияҳои ҷамъиятӣ ва иттилоот вобаста ба Конвенсияи Созмони Милали Муттаҳид дар бораи ҳуқуқҳои маъюбон ва Давлатзода Қиёмиддин, аъзои Кумитаи Маҷлиси намояндагони Маҷлиси Олии Ҷумҳурии Тоҷикистон оид ба масъалаҳои иҷтимоӣ, оила ва ҳифзи саломатӣ доир ба таҳлили қонунҳои Ҷумҳурии Тоҷикистон “Дар бораи ҳифзи иҷтимоии маъюбон”, “Дар бораи соҳибкории иҷтимоӣ” ва “Кодекси андози Ҷумҳурии Тоҷикистон” маълумот пешниҳод карданд.
Дар анҷом аз ҷониби иштирокчиёни мизи мудаввар оид ба ҳамкориҳои минбаъда мубодилаи афкор сурат гирифт.
