Бо мақсади иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати сазовор истиқбол гирифтани ҷашни бузурги миллии 35-солагии Истиқлолияти давлатии Ҷумҳурии Тоҷикистон имрӯзҳо дар муассисаҳои тандурустии мамлакат корҳои ободониву созандагӣ, сабзу хуррамгардонии назди бинои муассисаҳо бомаром идома дорад.
Роҳбарият ва кормандони Муассисаи давлатии “Маркази миллии бемориҳои сил, шуш ва ҷарроҳии қафаси сина” ҳар ҳафта бо баргузории шанбегиҳо ҷиҳати тозаву озода нигоҳ доштани атрофи муассиса, шинонидани гулу дарахтон корҳои назаррасро анҷом медиҳанд.
Бояд гуфт, ки Муассисаи давлатии “Маркази миллии бемориҳои сил, шуш ва ҷарроҳии қафаси сина”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон яке аз сармуассисаҳои ҷумҳуриявӣ дар соҳаи хадамоти зиддисилӣ ба шумор рафта, мақсади ташкилёбии он расонидани кумаки баландихтисоси тиббӣ оид пешгирӣ, ташхис ва муолиҷаи бемориҳои сил, шуш ва ҷарроҳии қафаси сина, таҳия ва ҷорӣ намудани усулҳои илман ва амалан асосноки муосир мебошад.
Дар маркази мазкур мутахассисони баландихтисос фаъолият дошта, дар он баҳри ташхис ва табобати бемориҳои сил, шуш ва ҷарроҳии қафаси сина тамоми шароит ва имконоти мавҷуда фароҳам оварда шудааст.
