Семинари омӯзишӣ оид ба пешгирӣ ва мубориза бо гепатити вирусӣ

Рӯзҳои 10-11 октябри соли 2024 дар  Вазорати тандурустӣ ва ҳифзи иҷтимоии Ҷумҳурии Тоҷикистон семинари омӯзишӣ дар мавзӯи “Такмили малакаи рӯзноманигорон ва блогерон дар таҳия кардани мавод оид ба гепатитҳои вирусӣ ва инъикоси онҳо дар расонаҳо” баргузор гардид.

Дар семинари мазкур муовини сардори Хадамоти назорати давлатии санитарию эпидемиологӣ Наврӯз Ҷаъфаров, сироятшинос, номзади илмҳои тиб Мирҳоҷӣ Хуҷамуротов ва рӯзноманигор Раҷаб Мирзо иштирок ва суханрони намуданд.

Қайд гардид, ки баланд бардоштани сатҳи малакаи рӯзноманигорон ва блогерон оид ба инъикоси мавзуи гепатитҳои вирусӣ ва бунёди пойгоҳи иттилоотӣ барои дарки муҳимияти мушкилоти гепатитҳои вирусӣ  барои намояндагони муассисаҳои давлатӣ, кормандони тиб ва аҳолӣ равона гардидааст.

Ҳамчунин гуфта шуд, ки  семинари омӯзишӣ  оид ба хусусиятҳои омода кардани матолиб барои матбуот, телевизион, радио ва шабакаҳои иҷтимоӣ оид ба гепатитҳо, роҳҳои муосири ташхис, табобат ва пешгирии он, инчунин оид ба паст кардани сатҳи доғгузорӣ ва табъиз нисбати гирифторони бемории гепатитҳои вирусӣ ва аҳолии осебпазир ташкил ва баргузор гардидааст.

Бояд гуфт, ки семинари омӯзишӣ тибқи нақшаи муштараки Вазорати тандурустӣ ва ҳифзи иҷтимоии аҳолӣ ва Ташкилоти ҷамъиятии ҷумҳуриявии “Афиф” бо дастгирии ширкати фармасевтии амрикоии Gilead Science Inc дар доираи лоиҳаи “Мусоидат дар пешгирӣ ва мубориза бо гепатити вирусӣ дар Ҷумҳурии Тоҷикистон” барои такмили малакаи рӯзноманигорон  ба роҳ монда шуд.

Мубодила

Facebook
Twitter
LinkedIn
WhatsApp
Email
Print

ҲИФЗИ ТАНДУРУСТИИ АҲОЛӢ ЯКЕ АЗ САМТҲОИ АФЗАЛИЯТНОКИ СИЁСАТИ ИҶТИМОИИ ДАВЛАТ ВА ҲУКУМАТИ ҶУМҲУРИИ ТОҶИКИСТОН МЕБОШАД

Хабарҳои охирин

Вазири тандурустии Белорус Александр Ходжаев ба Маркази миллии тиббии Тоҷикистон “Шифобахш” ташриф овард

Ҷори намудани боз як усули нодири ҷарроҳӣ дар кишвар

То баргузории форуми сатҳи баланд чанд рӯзи дигар боқӣ монд

“Назорати эпидемиологии бемориҳои сироятӣ ва ҳолатҳои фавқулодда”

Дар вилояти Хатлон оид ба модаршавии бехавф семинар-машварати омӯзишӣ гузаронида шуд

Президенти Тоҷикистон Эмомалӣ Раҳмон дар ноҳияи Ҷалолиддини Балхӣ бинои Шуъбаи таваллуди Беморхонаи марказиро мавриди истифода қарор доданд

Search